صعيدي علمني الادب

ادهم أيوة ياابوي انا فى الطريج اهو چاى ساعه بالكتير واكون عندك حاضر
الحاج احمد الهواري ياولدى انا جولتلك تكون فى البلد من امبارح ليه اتأخرت أكده وانت عارف ان دا كتب كتاب خيتك وانت لازم تكون اهنه
أدهم ياحاج ما انت عارف انى كان لازم اكون ف القاهرة عشان كانوا محتجينى ف الشركه واهو انا على الطريج اهو وچاى متجلقش كل حاجه هتبجى تمام 

الحاج احمد ماشى ياولدى مستنيك سلام 
أدهم سلام ياابوى
أدهم سرح وهو سايق وعمال يفكر فيها وعينها اللى حطفته من نظرة واحدة هو اه مش شافها غير مرة واحده بس ملامحها اتحفرت جوا عقله ومش قادر ينساها ولا عارف يلاقيها وافتكر أن هو مش عايز ينزل البلد عشان عارف أهله برضو نفسهم يفرحه بيه وأنهم كل شويه يتكلموا معاه ف الموضوع دا 
واخيرا وصل البلد
نزل من العربيه وهو طبعا كالعاده خطڤ أنظار الكل بهيبته 
أدهم ابوى عامل ايه وسلم عليه واخده بالخضن اتوحشتنى يابوى
الابوانت كمان ياولدى تعالى دا الليلة عيد لأنك اهنا وسطينا 
زينهاول لما سمعت صوته طلعت جرى وحضنته
أدهم اتوحشتك جوى جوى يااخوى بجالك كتير منزلتش البلد 
أدهم اخدها بالحضن وقال لها زينه البنات وانتى كمان اتوحشتينى جوى عامله ايه ياعروسه خلاص كدا مش هلاقى حد يغتت عليا ويزهجنى
زينه بدموع بالله يادهم كفايه انا زعلانه اوووى عشان هسبكوا وبعدين هرجع فى كلامى ومش هتجوز 
عمرو جه نعم يااختى مش ايه دا انا اصور قتيل هنا وبعدين دا كتب كتاب بس مش حرام عليكى انك مخليه الفرح بعد التخرج
أدهم والكل ضحكهههههههههه وقال عمور حبيبى ازيك يا غالى وخضنه بعض وبعدين زينه البنات تقول اللى هى عايزه والا انا اللى افركش الجوازة دى
عمروعلى ايه بقا الطيب احسن يادومى ولا ايه
أدهم طب ياخفه يلا
الحاج احمد الهواريما كفايه عاد منك ليه وبعدين انا جولت اهنه تتكلموا كلكوا بالصعيد ماحدش يتكلم مصروى انتوا فاهمين انا علمتكوا اه بس مش معنى ا كدا تنسوا اصلكوا
الكل بص لبعض وقال حاضر 
استوب 
نعرفكوا بقاااأدهم الهوارى شاب عندهسنه من الصعيد ومن أكبر عائلات الصعيد وسيم وشخصيه جذابه و قويه وصاحب شركات الهوارى للاستيراد والتصدير فى القاهرة وأغلب الوقت عايش هناك . زينه أخته وبتحبه جدا وهو سندها وضهرها وبتحكيلوا أسرارها كلها وخاصه لان ولدتهم مېته من وهى صغيرة ومخطوبه لعمر ابن عمها وبيحبوا بعض من وهما صغار وطبعا معروفة من زمان أنهم لبعض وطبعا ابوهم الحاج احمد الهواري كبير الصعيد وعنده اخ اسمه ابراهيم الهواري وطبعا ابنه عمروعنده 26سنه وشغال مع أدهم فى الشركات دى وهما صحاب جداااااا
نرجع بقاااااا
دخلوا السرايه بتاعتهم 
ادهم دخل اوضته وغير ونزل كلو سوا ونام شويه وقام جهز عشان كتب الكتاب 
الكل اتجمع فى المسجد 
وزينه وبقيت البنات جهزوا فى البيت ودخلت عليهم تاج وقالت زينه حبيبتى مبروك 
زينه جريت عليها وحضنو بعض وقالت تاج كنت هزعل لو مكنتيش جيتى والله
تاج ازاى دا مكونش جنبك ف يوم زى دا وبعدين والله ياروحى لسه واصلين حالا انا وبابا ويدوب جيت على هنا على طول و يلا ياعروسه بقااا عشان كتب الكتاب 
البنات راحوا المسجد وقعده فوق ف مصلى السيدات وسمعوا طبعا كل حاجه وزينه ماسكه ايد تاج وبمجرد ما سمعت الجمله دى
بارك الله لكم وبارك عليكم وجمع بينكم في خير
وهى قلبها كأنه بيعلن عن فرحه عاش ليالى بيحلم بيها 
جت ام عمرو مبروك يا زينه يابتى متعرفيش انا فرحانه اديش بيكوا وفرحانه اكتر انك بجيتى مرت ولدى عمرو 
زينه الله يبارك فيكى يامرت عمى عارفه والله لأنك الوحيده اللى جنبى دائما وربتينى واديتينى كل الحنان الام ربنا يخليكي ليا
وطبعا أدهم طلع ليها عشان تمضى وبارك ليها وحضنها وقالها مبروك يا احلى واجمل عروسه 
يازينه البنات ومضت عمرو من وراه 
عمروبغيرة ايه ياعم ماكفايه أحضان ايه راعى زفت مشاعرى يااخى 
أدهم ايه دا غيران يابطه دى اختى يااهبل
عمرو بعصبيه نوعا ما ايوه يااخوى اتهد بغير ويلا اوع بقاا كدا دا انا حياتى كلها مستنى اللحظة دى 
أدهم ضحك وقاله طيب ياعمورى بس خلى بالك لان الحاج لو شاف حد فينا بيتكلم عادى هيزعل جامد وهتبقى ليله كبيرة يبشا خلي الكلام عادى بنا أما قدام الكل نتكلم بلهجتنا اسيبك بقااا لانى عارف بس وهو بيتكلم عينه وقعت على اللى خطفت قلبه وعقله وسرح فيها وف جمالها ومش عارف دا حلم ولا ايه بس شافها خارجه من المسجد سابهم وقال لعمرو خلى بالك منها يازفت وانا شويه وراجع 
عمرو بص على زينه وهى كمان ووقفين سرحانين كل واحد عينه بتحكى لتانى عن اد ايه كانوا مستنين الفرحه دى فاق وقال اخيرا يازينه قلبى أخيرا خلاص بقيتى مراتى خلاص حلم سنين كتير اتحقق ياااااه 
زينه بتسمع كلامه وعيونها بدمع بفرحه وساكته ومش عارفه تقول ايه ولا تعبر عن فرحتها دى ازاى
عمر قال مباررك عليا زينه قلبى وعشقى 
زينه الله