حكايه عوانس
المحتويات
بجد مش معقولة كداه..
طوول النهار تعالي يا بت يا بوسة..
روحي يا بت بوسة
وده مكانش حتت عريس أللي جاي النهاردا..
ومكهربين البيت بسببة كداه...
وبالرغم من أن العريس مش جاي عشاني أنا...!!
ألا أن تنظيف البيت كلو على دماغي ده غير الغسيل وده للكوي اللي أخواتي بيجبروني اكويها على شان العريس اللي جاي...
ده غير شراء الطلبات من تحت .. ورمي الژبالة
وياريت في كلمة شكر في الآخر ألا كلوا شخط ونتر وضړب...!!
بجد قمة الظلم . ....
أنا لازم اتمرد على الظلم ده
بس قبل ما أخذ قرار التمرد... هاعرفكم بنفسي
أنا بوسة .. أسمي كداه
اصل ابويا الله يرحمة ربنا رزقة بثلاث بنات
أولهم
هي .. بسيمة الكبيرة ودي عندها 42 سنة.
و بسمة الأخت الوسطي ودي عندها 40 سنة.
وهي كمان كانت عانس لنفس السبب...
أما عمتي بقى أرملة و أسمها روحية عندها 45 سنة
ودي من ساعة ما جوزها ماټ وهي كارهة نفسها وبتنتظر المۏت
على شان تخلص من الدنيا وقرفها ..
فاسماني أبويا بوسة وعندي 23 سنة
ده العمر الي في البطاقة...
وبقينا بسيمة ..وبسمة ..وبوسة
لكن العمر اللي عيشتوا في الذل والمرمطة ..يجي مائة وخمسون سنة...!!
أصلي من ساعة ما أبويا وأمي ما ماتوا
وأخواتي مستضعفيني .. وبيبهدلوا فيا أحنا تقريبا تحت خط الفقر....
لأن أبويا .. كان شغال سواق في مدرسة خاصة
ومكانش متثبت..
فا لما ماټ أبويا صاحب المدرسة قرر لينا معاش شهري 500 جنية...
وطبعا أحنا ثلاث بنات ومعانا عمتنا أخت أبونا
عايشين معاها في الأوضة والصالة
بعد ما تركنا الشقة الإيجار اللي كنا عايشين فيها مع أبونا وأمنا...
ويادوب كان مكفي إيجار الأوضة .. والمية ..والنور
والمعاش بتاعنا بقى..
كنا بنأكل .. ونشرب .. ونركب مواصلات..
وبنقضي باقي الشهر بيه أحنا الأربعة
طبعا أحنا تقريبا كانت بتعدي علينا أيام مش بنلاقي القوت الضروري...
فرص العمل بالنسبه لهم كانت معډومة
ولما كنت بطلب منهم أخرج أنا أشتغل كانوا بيرفضوا
وكنت ديما بحلم أن واحده منهم تتجوز وتخف الحمل عن البيت..
لكن طبعا ده كان حلم بعيد...
لأن مين هيفكر يتزوج بنات وصلن لسن العنوسة..
حيث أنو لا مال.. ولا جمال.. ولا أهل ..
ولا أي حاجة..
بالنسبه لي ..أنا مكانتش بفكر ولا بحلم زي البنات بفستان وطرحة وعريس...
ولا كنت اجرؤ حتي أحلم على شان كنت عارفة أن أخواتي مش هايقبلوا يجوزوني....
وهن مازلن بغير زواج....
كمان أنا مكانش عندي حدا يجهزني
ولا يجيب لي كوباية ولا معلقة في الجهاز..
أنا كان أقصى طموحات لما بحلم أني ألاقي شوية شاي وسكر...
وأعمل كوباية شاي اشربها مع لقمة الفول....
بس للأسف السكر غالي...
وأحنا مش مرفهين للدرجادي...
و عمري ما حلمت بوجبة فيها حتة لحمة
لأن الحلم ده كان بالنسبه لي مستحيل
فما بالك بقى بالملابس الجديدة والمكياج والبرفانات
والحاجات الثانية دي
وفضلنا على الوضع ده .. لغاية ما في يوم
وأنا قاعده مع البنت عزة جارتنا..
وكانت بتقراء إعلانات زواجأريد عريسا
عشان كان نفسها تتجوز
ولفت نظرها طلب في الجورنال..
وكان لناس كاتبين إعلان ... مطلوب عانس
والبنت عزة قعدت تضحك...
وقالت لي على اللي مكتوب..
انا معايا إعدادية وبعرف اقراء واكتب عشان كده
أخذت منها الجورنال وتأكدت من الإعلان بنفسي
وأخذت رقم الموبايل اللي في الأعلان ولما اتصلت ..
لقيت واحده بترد عليا..
قالت لي أنتي عندك عروسة عانس..
قلت لها البيت عندنا في ثلاث عوانس...
وطبعا أنا كنت أقصد بالعروسة الثالثة عمتي
يمكن ربنا يسهلها وتتجوز وتفضي علينا الأوضة
قلت ... تعالي حضرتك نقي العروسة اللي أنتي عايزاها
وبالفعل ..الست حددت معايا يوم الخميس اللي هو النهاردا...
ومن ساعة ما قولت لأخواتي البنات وهن يتوضبن ويستعدن ..
وأنا دلوقتي بأدعي ربنا.. أن العريس اللي جاي تعجبوا عروسة.. من الثلاثة
ودلوقتي العصر يعني ميعاد مايجي العريس
والباب بيخبط
والعريس تقريبا وصل.. لأني سامعه عمتي بتفتح الباب
وأنا واقفة ببص من وراء باب الغرفة
وفي أثنين ستات دخلوا فقط ومفيش معاهم رجاله خالص
وأخواتي الاثنين خرجوا يقابلوا الستات عشان يختاروا منهن واحدة للعريس
والمشكلة أني كان نفسي أخرج
متابعة القراءة
