جواز علي الورق

مراد _ وفيها اي صاحبي جاي دلوقتي هسيبك معاه ساعه واحده وهنزل وهو ناوي يجيب ليكي 
العربيه اللي انتي عايزه
ندي _ انت ازاي كده حرام عليك انت مش عارف ان ده حرام
وقبل ما نبدا الحكايه اعرفكم بنفسي أنا ندي 
كنت عايشه في ملجأ بس سبته ومشيت 
بسبب اسلوب الناس جوا وكنت روحت
لقيت ست كبيره قاعده في الشارع

ندي _ لوسمحت ممكن كوبيا مياه انا عطشانه 
اوي والله
عائشه _ تعالي يا حبيبتي جوا واشربي زي 
ما انتي عايزه ودخلت معاها هو انت مين يا حبيبتي انا اول مره اشوفك في المنطقه هنا
ندي _ بيقولوا ليا يا ندى انا ما اعرفش اسمي الحقيقي كان ايه وكنت عايشه في ملجا بس بصراحه سبته
عائشه _ يا حبيبتي يا بنتي طب تعالي اقعدي تحبي اجيب لك تاكلي ما تخافيش انا عايشه هنا لوحدي ما فيش حد عايش معايا
ندي _ انا مش عايزه اكل بس عايزه اشتغل هنا عندك في البيت هروقلك
واعملك كل حاجه مقابل أن ألقي حته انام 
فيها
عائشه _ والله يا بنتي مش عارفه اقولك اي 
بس انا مش عايزه مشاكل يا بنتي اوعي 
تكوني عامله حاجه كده ولا كده
ندي _ والله ابدا ربنا يعلم انا في حالي 
اوي وبعدها فضلت عايشه معاها وكان 
كل شهر بيجي واحد مراد يقعد معاها شويه 
ويمشي وفي يوم لقيته قاعدة وهي دخلت 
تصلي وانا كنت بدخل ليه القهوه وقالي
مراد _ هو انتي يا ندي مش فكرتي 
تدوري علي اهلك يعني ليه محاولتيش
تعرفي اي حاجه من الملجا
ندي _ محدش فيهم رضي يقولي حاجه وانا 
حاسه أنهم مش عارفين اصلا وانا مرتاحه هنا 
مع الست عائشه
مراد _ هي ست طيبه والله وتستاهل كل خير
ندي _ طيب بعد اذنك بقي علشان ادخل 
اعمل الاكل وبعدها هو مشي وشويه 
وصاحب البيت سيد خبط وانا فتحت
سيد _ صباح الخير يا سكر الا ست عائشه
صاحيه
وخرجت من الأوضه وقالت تعالي يا معلم 
انا كنت بصلي ادخلي يا ندي اعملي حاجه 
للمعلم علشان يشربها وبعدها دخلت
سيد _ سامحني يا حاجه في الكلام اللي هقولوا
انتي بقالك فتره مخليا البنت دي عندك ومحدش 
في الشارع قال حاجه
عائشه _ البنت بصراحه كويسه مؤدبه جدا ومحدش شاف منها حاجه وحشه ولا في حاجه يا معلم وانت مش عايز تقولي
سيد _ ابدا والله شهاده لله البنت في حالها جدا وما بتخرجش من باب الشقه بس انا كنت عايز حاجه ثانيه ايه رايك نسترها
عائشه _ سامحني بس يا معلم مين اللي هيرضى بيها في الحرم وهو عارف حكايتها كلها
سيد _ اللي حصل ڠصب عنها هو كان بمزاجها يعني وعلى العموم انا اللي هوافق بكده
عائشه _ عايز تجوز البنت لابنك اللي عنده 40 سنه يا راجل انت انت مش شايف البنت عمرها صغير ازاي
سيد انا مش عايزها لاحمد ابني ده انا عايزها انا اللي اتجوزها وبعدين بقى الجواز ستره للبنات 
وبعدها قامت وقفت وقالت
عائشه _ يا راجل يا شايب يا عيب ده انت 
ابنك اللي في عمره اتجوز جاي عايز 
تتجوز عيله من دور احفادك
سيد _ وليه الغلط ده بس يا حاجه عائشه وحد عملك حاجه وبعدين بقى شړ محلل ليا مثنى وثلاث ورباع ومن حق اختار 
اللي انا عايزه اتجوزها
عائشه _ امشي اطلع بره مش عايزه اشوف وشك هنا تاني ولو فتحت في الموضوع ده ثاني هفرج عليك الحاره كلها
سيد _ خلاص ماشي بس اعملي حسابك بعد كده الايجار يوم واحد ولو تاخرتي هروح وارفع عليكي قضيه واخد منك الشقه وبعدها
مشي وانا خرجت وقولت ليها
ندي _ انا اسفه والله ان انا عملتلك مشاكل انا ما كانش قصدي خالص
عائشه _ وانتي مالك انتي بس يا حبيبتي مش عايزاكي تزعلي نفسك هو اللي راجل خرفان المهم هاتي تليفوني وكلمي مراد خليه يجيلي بكره عايزاه ضروري
ندي _ حاضر وتاني يوم فعلا جه مراد 
وكان قاعد مع عائشه
مراد _ خير يا حاج عرفت ان انتي عايزاني في حاجه ولا ايه
عائشه _ بقالك خمس سنين بتيجي وتديني مرتب في الشهر وانا ما اعرفش مين اللي بعتك وانت مش راضي تقول بس انا عايزه اطلب منك طلب كمان انا لو جرى ليا حاجه عايزاك تخلي بالك من البنت ندى
مراد _دي في عنيا يا حاجه عائشه بس هو حصل حاجه ولا ايه لو في اي موضوع انا اقدر اخلصه ليكي على طول
عائشه _ ما فيش اي حاجه بس اسمع كلامي بس البنت غلبانه وانا خاېفه عليها بصراحه وهي ملهاش اي حد في الدنيا دي
مراد _ في عنيا يا حاجه المهم انا لازم امشي 
هتعوزي مني حاجه تانيه
عائشه _ مش ناوي تقول ليا برده مين اللي بعتك ليا ومين اللي بيديك الفلوس دي علشان تديها ليا
مراد _ هو انتي يا حاجه عايزه تضيعي ثواب ليه فلوس وبتجيلك من باب والله خلاص بقى
وبعدها مشي وخرجت انا
ندي _ والله العظيم انتي احن عليا من اهلي اللي رموني في