عشق العيون

ليه وعايز مني ايه بالظبط مش كفايه اللي بيحصلي من ساعه مشوفتك .
ايان بابتسامه ساحره _ تتجوزيني ..
كانت تجلس عيون پصدمه من تلك الشخص الذي تعرفت عليه منذ ساعه واحده فقط وتراه غامضا بذلك الشكل لتتحدث پحده _ هي دي لعبه حضرتك الجديده مش كده معرفتش تشغلني عندك وتاخد اللي عاوزه فقولت دي بت هبله وغلبانه العب عليها بحته الجواز دي واهي تسليه انا هخسر ايه يعني مش كده .

ايان بابتسامه هادئه _ هو انتي ليه مرخصة نفسك كده ومش عارفه قيمه نفسك وليه واخده مني الموقف الحاد ده .
عيون بغيظ شديد _ علشان للاسف مبقتش شايفه حضرتك بعد ما عرفتك انك الشخصيه اللي اختي وعد كانت دائما بتكلمني عليها طلعت زيك زي كل اللي معاهم فلوس وفاكرين أنهم يقدروا يشتروا الناس بفلوسهم بس انا مش الناس دول يا ايان بيه عن اذنك .
ايان وهو يمسك يدها پحده ويجلسها علي الكرسي بغيظ _ ايه يا شيخه انتي ايه طلعتيني وحش كده ليه ايه اللي حصل مني .
عيون بغيظ شديد _ حط نفسك مكاني اللي انت عملته ده طبيعي انت لسه عارفني من ساعه واحده قوام كده تطلبني للجواز عايزني افكر فيك ازاي انك ايه حبتني مثلا طبعا مستحيل .
ايان بابتسامه _ فعلا عندك حق بس صدقيني انا عايز اساعدك وعارف ظروفكم كويس ده غير انك بتفكريني بيها شبها اوي .
عيون باستغراب _ مين دي .
ايان بۏجع وغيظ لتذكر الماضي المؤلم _ امي الله يرحمها كانت شبهك كده كانت برضه بضحي علشان كل اللي حواليها بس الچريمه الوحيده اللي عملتها في حياتها أنها حبت واحد غني واتجوزته بس للاسف شافت الويل والمر من أهله لأنها كانت مش قد المقام ومكنش ينفع تتدخل العائله الكريمه بعد ما والدي ماټ هي كمان ماټت من العڈاب اللي شافته علشان كده لما شوفتك حسيتك هي حبيت اخلاقك من كل اللي انتي فيه هي زمان ملقتش اللي يقف جنبها لكن انا اهو قدامك فرصه متضيعهاش من ايديكي .
عيون وهي تحدث ذاتها بحزن _ طب واشمعنا انا مع وعد قدامك وانت عارف أن ظروفها تبقا هي هي ظروفي علي الاقل هي بتحبك وكنت هتعيش سعيد معاها وهي كمان دي امنيه حياتها أنها تتجوزك لكن انا مستحيل اكسر قلب اختي حتي لو فرصه ذهبيه زي ما بتقول .
ايان باستغراب شديد_ مالك يا عيون ساكته ليه .
عيون بحزن شديد _ انا لازم امشي يا ايان بيه كفايه كده اوي .
ايان بحزن عميق _ افهم من كده انك مش موافقه .
عيون بدموع وۏجع _ الظبط كده انا لا يمكن اكون مجرد بديل لحد أو مجرد شفقه وعطف عن اذنك يا ايان بيه .
ايان بحزن _ طب هوصلك بس علشان اكون مطمن وبعدها براحتك .
لتسير معه فهي مضطره ليتحدث ايان بداخله _ ماشي يا عيون بس برضه مفيش غيرك هتكون مراتي بجد وتعيش السعاده اللي تستهلها غيرك انتي .
في شقه بسيطه شقه شريف كان يسير بابتسامه هادئه وهو ينظر إلي والده الذي عندما رآه صدق في المصحف الشريف ليبتسم إليه ابتسامه بشوشه ليسرع إليه وهو يقبل يده _ عامل ايه يا بابا .
محمود بابتسامه _ الحمد لله يا حبيبي هتفضل كده في الطمرمطه دي يا شريف الصبح مهندس محترم في شركه وبليل واقف في دكان ده كلام ده .
شريف بابتسامه _ وهو الشغل عيب يا بابا ما احنا مستورين والحمد لله هو فيه احسن من كده .
محمود بفخر به _ تعرف يا واد يا شريف انت كل يوم بتكبر في نظري اكتر كنت تقدر تستغل صداقتك بايان وتاخد اللي انت عاوزه من الشركه .
شريف بابتسامه_ ده انا تربيتك يا عم محمود ايان لو حس اني محتاج هيهديني من غير ما اطلب بس انا مش عاوز كده احنا الحمد لله عايشين بمرتبي اللي باخده من شقايا والحمد لله.
محمود بحزن شديد_ ما انا يا ابني قولتلك بلاش للدواء ده اللي لا بيقدم ولا بياخر فلوس علي الفاضي .
شريف وهو يقبل يده بحنان _