الفهد
المحتويات
اصلا ورايا مليون حاجه فانجزي عشر دقايق وهروحك
نزلت معاه وقعدوا والجرسون جالهم وطلب قهوه وبصلها تشربي ايه
جميله مش عايزه اطفح حاجه
فهد اتنرفز بس تمالك نفسه وبص للجرسون مش هتطفح حاجه
الجرسون اتحرج ومشي
جميله علي فكره انت مستفز جدا
فهد باستغراب انا اللي مستفز هو انا اللي قلت اطفح ولا انتي
فهد عايزه تشربي ايه طيب وانجزي فهد شاور للجرسون من تاني
جميله بغلاسه قلتلك مش هشرب
فهد قبل ما الجرسون يوصلهم عارفه شكلك هتخليني افرج الناس عليكي هنا .. الراجل جاي انجزي وشوفي هتشربي ايه
جميله مش شاربه
الجرسون وقف اتفضل يا افندم
فهد بصلها وهيا باصه بعيد
الجرسون في مانجه وجوافه وليمون
فهد بصلها بس هيا ما نطقتش فاتكلم هو هات جوافه
مشي وجميله بصتله انا مبحبش الجوافه علي فكره
فهد دي مش هتشربيها
جميله باستغراب امال دي ليه
فهد دي هلبسها في وشك
جميله بصتله كتير وهو باصصلها ومره واحده ضحكت من غيظها وهو جامد بس من جواه عايز يضحك
فهد بعض ما عندكم المهم
جميله ايه المهم اتفضل
فهد رفضتي ليه عرضي للجواز
جميله بصتله باستغراب انت بجد بتسأل
فهد اه بسأل
جميله هو انت مش ملاحظ انا وانت عاملين ازاي مش واخد بالك ! انا وانت ما ننفعش مع بعض
جميله انا عم مصلحي
فهد طبعا ... الشخصيه اللي قدامي دلوقتي غير اللي كانت في الحفله بالليل .. غير البنوته الكيوت اللي پتخاف من الظلمه .. غير جميله الجميله ودي الشخصيه اللي انا عايز اتجوزها مش عبدو افندي اللي قدامي ده
فهد شاور ايوه هو ده اللي بتكلم عنه !! فين البنوته اللي كانت معايا امبارح في الحفله .. كانت بنوته كيوت كده
جميله اه يعني انت عايز تتجوز النسخه الضعيفه مني اللي پتخاف من الظلمه وعايزه سي السيد يحميها صح !
فهد لا طبعا انا مش عايز النسخه الضعيفه انا عايزك كلك علي بعضك بس حاليا عايز اتكلم كلمتين علي بعض من غير خناق .. وبعدين في حالة لو اتجوزتك اول حاجه هعملها هيا اني هخليكي تبطلي خۏفك ده اتكلم بجديه جميله انا فعلا مش عايز النسخه الضعيفه منك
فهد عايز اتجوزك انتي كلك علي بعضك بضعفك وبقوتك .. الكوكلشن بتاعك ده كه علي بعضه .. وبعدين ممكن اسألك سؤال بس ارجوكي تجاوبي بمصداقيه ممكن
جميله اتفضل
فهد هل انتي هتلاقي نفسك مع راجل تقدري تمشي كلامك عليه او تحسي انك راجل انتي جنبه اعتقد اي واحده وخصوصا بشخصيتك دي بتكون عايزه راجل يجبرها انها ترجع لانوثتها ولا انا غلطان !
جميله وانت متخيل انك بأوامرك دي وباخد كل شيء مسلم بيه ده اللي هيرجعني لانوثتي
فهد هيتكلم الجرسون جه فسكت واستناه يخلص ويمشي وهو بصلها جميله انا مش واخدك ابدا امر مسلم بيه بس اعتقد او انا كنت معتقد انك فهمتيني وفهمتي طبعي واني مش محتاج اشرح وابرر كل شويه معاكي .. بصي انا مش راجل رومانسي يا جميله واكيد انتي لاحظتي ده .. انا راجل عملي وتصرفاتي عمليه واللي بحتاجه بحاول اخده او اوصله وانا محتاجك قلتي ايه !
جميله بنفاذ صبر فهد دي مش طريقه عرض جواز يا فهد ابدا .. دي تنفع لشړاكه او بيزنس لكن مش جواز
فهد ده انا يا جميله .. ده طبعي ودي طبيعتي انا مش همثل واتجمل قصادك ده انا
جميله والمفروض اني اتقبل ده !
فهد طبعا ... لو ...... بصي انا في حاجه جوايا ناحيتك مش عارف اوصفها او احطها في كلمات واعتقد ان انتي كمان زيي .. في chemistry بينا يا جميله وده اللي خلاني اطلب طلب زي ده ... بس ارجوكي ما تستنيش مني رومانسيات لان ده مش انا
جميله وليه ما تكونش انت
فهد ماليش في ده ... ما اتربتش علي ده .. يا بنتي انا طلعت لقيت امي بيعاني لمرات ابويا وابويا مېت بعد ما اتهموه بالتهريب واتربيت علي ايد ميس اللي معندهاش اي مشاعر نهائي وانا سبق وحكيتلك بالتفصيل فده انا .. بدون بقي لف ودوران وتزويق للكلام يا جميله .. ده انا فهد وده طبعي موافقه عليا بشخصيتي دي بدون امل منك اني في يوم من الايام هتغير وابقي راجل رومانسي ولا مش موافقه في حاجه بينا فعلا ولا ده كان مجرد خيال مني موافقه تتجوزيني ولا لأ وارجوكي ماترفضيش بسبب طريقه طلبي لاني بجد معنديش غيرها
جميله فضلت كتير ساكته ومش عارفه ترد بس بتفكر في ميس وعمتها و وليد وابوها وسالي وكل الناس اللي تعرفهم مروا علي تفكيرها وفهد منتظرها تجاوب ولما سكوتها طال وصلتله الاجابه فشاور للجرسون ووقف
جميله باستغراب وقفت ليه !
فهد انا قلتلك اني مشغول يالا يدوب الحق اوصلك
فهد لبس نظارته وداري عنيه تماما وهيا ھتموت وتنطق انها مش بس بتحبه انها بتعشقه بكل مافيه وانها موافقه علي اي شيء يقربها منه .. بس الصمت سيطر عليها وهو حاسب الجرسون ومشيوا فتحلها باب العربيه وركبها وقفل الباب وركب جنبها واتحرك بصمت مطبق بينهم
جميله عارفه تماما انها لو ما اتكلمتش فده معناه انها خسړت فهد تماما .. هو قدم كل اللي عنده والكوره دلوقتي في ملعبها هيا ومش عارفه تنطق ازاي او تقول ايه !! اتمنت اي حاجه تحصل تعطلهم او الطريق يقف او اي حاجه توقفهم .. اي حاجه تقطع الصمت ده
جميله الجو حر
فهد ما بصلهاش بس قفل الشبابيك وفتح تكيف العربيه بدون ما ينطق حرف او يبصلها
جميله جواها ... يووه ما نطقش طيب اقول ايه ! يا فهد ما تصعبهاش كده ..
وقفوا في اشاره طويله وهو ايده علي فرامل اليد رفعه ومنتظر وهيا مش عارفه تعمل ايه او تقوله ايه .. بصمت مدت ايدها ومسكت ايده اللي جنبها وقلبها هيقف لانها مش عارفه رد فعله هيكون ايه
فهد بصلها باستغراب وبص لايدها اللي ماسكه ايده ومش عارف يتكلم او يفسر ده بايه .. بس باصصلها وهيا باصه قدامها هربانه من عنيه ... وهو مش عارف يقولها ايه الاشاره فتحت واتفاجيء بعربيات كتير بتزمر علشان يتحرك ونسي انه رافع الفرامل وبيتحرك بس افتكر الفرامل ومش عارف يعمل ايه لانه مش عايز يسيب ايدها فهيا ابتسمت وسابت ايده علشان يعرف يتحرك بالعربيه فاتحرك ومشي شويه وركن علي جنب وبصلها وهيا بصتله
مد ايده وهيا بصت لايده ومش عارفه تعمل ايه ! هيا اه مسكت ايده بس ده كان علشان تلحقه لكن مش معناه انها .... انها ايه بقت متلخبطه ومش عارفه تعمل ايه
متابعة القراءة
