الاسطي حور كامله
المحتويات
يا حور على اللى حصل .. اوعدك مش هيتكرر تانى .. وبعتذر عن كلامى ارجو انه ده ميتكررش تانى وبص لتامر وقال واسف على كلام دكتور تامر عارف انه كلامه چرحك ..
حور بصتله وقالت ولا يهمك يا دكتور .. وشكرا ليك .. يالا يا كارما
خرجت كارما مع حور
العميد مينفعش الطريقه اللى اتكلمت بيها مع الطالبة يا دكتور .. ديه مهما كان انسانه
العميد احنا مش بناخد بالشكل يا دكتور .. ياريت تعامل الطالبه احسن من كدا ... علشان متضرش اخد منك موقف قانونى
الدكتور بص للعميد پغضب وخرج من المكتب ....
حور وصلت وقبل ما تطلع بيتها فكرت تطمن على الورشة .. واول ما دخلت لقت الرجاله قاعدين بيشربوا شاى .. زعقت وهى بتقول جايباكم علشان كلكوا تشربوا شاى وتسيبوا الشغل يا نطع منك ليه
حور استراحة لما تلهفك انت وهو .. الشغل كتير .. قوموا هبدا فيه معاكم
اطلع ارتاح يسطا.. ده انت حتى تعبان
حور پغضب ملكش دعوه منك ليه .. يالا كل واحد على شغله..
الكل بدأ يشتغل وحور بتساعدهم وترتاح شويه ..
تامر خرج وركب عربيته وهو مروح على البيت ....
نزل وفتح العربيه ولقى دخان كتير طالع منها
خبط رجله فى كوتش العربيه ... وقعد يدور على تاكسي لكن للاسف ملقاش
تامر هو يوم اسود من اوله
شاف واحد ماشي فى الشارع فساله لو سمحت فيه ميكانيكى قريب هنا
_ ايوا يباشا الاسطى جمال..
تامر طب اروحله منين
_ حضرتك هتاخد الطريق ده وتحود يمين هتلاقى ورشة الاسطى جمال ..
بص للرجاله الشغاله وقال لو سمحت عربيتى كانت عطلانه على الطريق وعايز حد معايا يصلحها
يسطا فيه واحد عايز حد معاه يشوف عربيته على الطريق
خرجت من تحت العربيه وهى بتزعق وبتقول مش شيفنى شغال يالا .. ما تشوف حد معاه .. بصت لملامح اللى واقف مع الواد وقامت وقفت
الجزء الثالث
ابتسمت ابتسامه صفرا وهى بتقول منور يا دكتور ... اتفضل
واد يا على
_ نعم يسطا ..
بصت لتامر وقالت وصى على كوبيتين شاى وابعتهم على الشارع لحد ما اشوف عربيه الدكتور
رد واحد من اللى شغلين اجى معاك يا معلم
حور هات الشنطه وتعالى ورايا
مشيت حور مع تامر والصبى معاه شايل الشنطه لحد ما وقفت عند عربية تامر وقالت حصلها ايه قبل ما تركن الركنه ديه
حور تمام ..
هات العده يا بنى ..
مسكت حور العده وبدات تصلح فى العربيه وسط استغراب تامر ...
بصت للصبى وقالت روح هاتلى .... من الورشه يا بنى
راح الولد الورشه وفضلت واقفه حور مع تامر .. مسكت كوباية الشاى بتعتها وهى بتقول لتامر بتريقه اتفضل يا دكتور .. متخفش الشاى بتاعنا نضيف وبنغسل الكوبايه كويس ..
مسك منها الكوبايه وهى بدات تشرب فى الشاى بتاعها
تامر باستغراب مدخلتيش هندسه ليه وانتى بتفهمى فى العربيات!!
فضلت حور بصه قدامها وقالت وهى بتشرب من الشاى وقالت انا بحب اتعلم اللغات .. شغلتى ديه حرفة ورثتها من ابويا الله يرحمه.. انا دخلت السن بمزاجى واشتغلت شغلانة ابويا علشان متحوجش لحد
تامر بصلها وقال برافو.. بس لما تتخرجى هتكملى فى الشغلانه ديه .. رفع حاجبه وقال .. معتقدش انك لو بقيتى معيدة او دكتورة فى الجامعه او لو حتى اشتغلتى فى شركة محترمه هينفع تكملى فى الشغلانه ديه
ضحكت باستهزاء من كلامه وقالت الشغل مش عيب وحتى لو بقيت دكتورة
فى الجامعه او شغاله فى شركه هكمل لان انا مش بستعر من شغلانه فلوسها حلال .... الواحد لو نسي اصله الناس هتنسى هو مين انا ابويا لما كان عايش الله يرحمه كان بيصرف عليا من الشغلانه ديه وكنت بمشي بثقه واقول انا ابويا شغال كذا الشغل مش عيب ولا حاجه الواحد يستعر منها مادام بالحلال
فضل واقف بيفكر فى كلامها اللى باين انه منطقى جدا
الصبى جاب اللى هى طلبته ... صلحت العربيه واخدت المفتاح ودخلت تجربها
واشتغلت
نزلت من العربيه وهى بتقول عربيتك سليمه يا دكتور .. اتفضل
تامر كام
الصبى كان هيرد لكن حور بصتله انه يسكت وبصت لتامر باستهزاء وقالت عيب يا دكتور .. من غير فلوس .. يالا يا فتحى
هات العده وتعالى ورايا ..
تامر مسك ايدها قبل ما تمشي وقال ماتعودتش اصلح حاجه من حجاتى من غير مقابل
بصت لايده فسابها قربت منه وقالت فى ودنه بهمس اعتبر المقابل انك متحاولش بعد كدا تقل منى قدام حد
متابعة القراءة
