انا وسلفتي

ابني كشف اللي كنا بعمله انا وسلفتي في نهار رمضان
وقبل ما بدا حكايتي اعرفكم بنفسي انا اسمي سماح عندي 30 سنة متجوزة وعندي ابني عنده 10 سنين وجوزي واخوه مسافرين برة وانا عايشة في البيت مع حماتي وسلفتي
وفي يوم كنت قاعدة انا وسلفتي وقولتلها
سماح 
ياختي رمضان داخل علينا خلاص والولية حماتك مش راضية تخلينا نجيب الحاجات بتاعت رمضان هو مش المفروض اننا نجيب زي الناس ونملي البيت خير ولا هي هتفضل ماسكة على القرش كده علطول

امال 
ماهو ياحبيبتي طول ما ولادها بيبعتو الفلوس عليها هتفضل ماسكة على القرش كده
سماح 
اه والله يابت يا امال ده انا بقول للموكوس جوزي يبعتلي الفلوس ليا انا يقولي لا هبعتها لأمي وهي تديكي المصروف بمعرفتها
امال 
والنبي تصدقي انا كمان جوزي قالي نفس الكلام شكلهم متفقين علينا يابت يا سماح وعايزين انا وانتي وعيالنا نبقا تحت رحمة امهم
سماح 
لا ماهو مينفعش الكلام ده احنا عندنا عيال وبيطلبو حاجات كتير وهي مش بتطلع الفلوس غير لما تسأل هتجيبي ايه وتعملي بيها ايه احنا لازم نتصرف
امال 
خلاص يبقا انتي تكلمي محمود جوزك وتعرفيه وانا كمان هكلم محمد جوزي واقوله
واتصلت بمحمود قولتلة
سماح 
يا محمود هو انا كل ما كلمك في موضوع الفلوس ده تقولي انسي اني ابعتلك هو مش مراتك يامحمود وليا حق عليك
محمود 
وهو انا حرمتك من حاجة يا سماح منا الفلوس اللي بتطلبيها ببعتها لأمي وهي بتديكي ولا مش بتديكي مش فاهم انتي ليه الفتره 
دي مصممه تخدي الفلوس في ايدك
سماح 
انا من حقي اجيب كل اللي نفسي فيه
محمود 
هي امي مش بتديكي فلوس ولا اي
سماح 
ااه بتديني بس على الاد يعني لما مازن ابنك بيبقا نفسه في حاجة واقولها هاتي فلوس لما اجبلة الحاجة اللي نفسه فيها ترد تقولي بطلي تدلعي الواد ومش كل حاجة يطلبها تجبيها لو والواد يعيط
محمود 
امي عندها حق ياسماح وبعدين مانتي كده فعلا مدلعاه هو لازم لما يطلب اي حاجة تنفذي كل طلباتة لا لازم تعرفيه ان كل مليم انا تعبان فيه وبجيبه بالعافيه
سماح 
حرام عليك يامحمود الواد لسه صغير وبيشوف العيال أصحابه في المدرسه معاهم كل حاجة
محمود 
يوووه انا شكلي مش هخلص منك ولا من زنك بقولك انا راجع من الشغل تعبان عايز الحق اكل لقمة وانام يلا اقفلي وليه نكد صحيح 
وقفل في وشي وقولت
سماح 
استغفر الله العظيم والله ما في حد نكد غيرك انت وامك ياساتر
سماح 
تعالي ياختي ادخلي
امال 
مالك يابت مكشرة كده ليه ايه اللي حصل
سماح 
لسه قافلة مع الموكوس
امال 
ههههه وطبعا نكدتو على بعض بسبب امه
سماح 
وهو في غير النكد كل مكالمة ينكد عليا وقال ايه يقول عليا انا اللي بنكد عليه وهو امه ينكده على بلد بحالها
امال 
هو برضو مش راضي يبعتلك الفلوس عليكي
سماح 
طيب انا لسه هكلم جوزي وربنا يستر بس شكلة كده هيعمل زي اخوه بالظبط حكم هما الاتنين ماشين ورا امهم تقوليش الوليه دي سحرالهم ياختي
سماح 
ياختي قطيعة تاخدها بقولك ايه قومي ننزلها بدل ماتخلي يومنا مش معدي انتي عارفة لسانها
ودخلت شقة حماتي انا وامال ولما شافتنا قالت 
ياحلاوتكم ياختي انتي وهي هو انا مش بقالي ساعة بنادي ايه اطرشتو ياسماح انتي وامال
امال 
الله في ايه بس يا حماتي والله ماسمعنا انك ناديتي اصلا
سعاد
ااه مانتي ياختي عمالين ترغو وشغالين لت وعجن وقافلين ودانكم
سماح
هو هي ايه بس ياماما انتي كنتي عاوزانا ليه
سعاد
عايزاكم عشان ترتبو البيت ده وتفرشو السجاجيد رمضان

بعد بكرة عايزينو يدخل علينا والبيت نضيف عشان احتمال اعزم اختي وولادها اول يوم عندي
امال
حاضر ياماما هنضف ونفرش ونخلي البيت بيبرق من النضافة بس الاول مش المفروض ننزل نشتري الحاجات بتاعت الاكل يعنى فراخ لحمة وكده يعنى
سعاد 
يلهوي انتي يابت عايزة تطبخي اول يوم فراخ ولحمة ليه هما جاين تكية ولا جاين تكية هو كفاية فرختين وبس
سماح 
فرختين ازاى ياما يعني بتقولي اختك جاية وهي عندها مشاء الله تلات عيال وانا عندي ابني وامال عندها واد وبت وانتي كلنا على فرختين
سعاد 
ابقي قطعيهم ياختي المهم يكفونا
ببص على امال لقيتها حاطه ايديها على بوقها وكاتمة الضحك قولتلك 
اضحكي يابت اوي اضحكي
امال
ههههه الولية خلاص عقلها فوت ومن كتر 
البخل اللي هي فيه بدأ يظهر عليها اكتر واكتر
سماح
امال
بتحوشهم على قلبها ياختي عشان تجوعنا اسمعي يابت يا سماح احنا