انا وسلفتي

لازم نتصرف ونشوف حل هي مش امك بتعرف الناس الدجالين واللي بيعملو أعمال وكده
سماح
ااه بتعرف ليه
امال
شوفي انتي تاخدي اي حاجة من هدومها تكون كانت ملبوسة وتروحي توديها لأمك تخليها تعمل للوليه دي عمل يمكن يخليها تبطل بخل شوية
سماح
خلاص بكرة اروح لأمي واخليها تشوفلنا حل
خودي ياما دي عباية الولية حماتي تاخديها وتوديها للراجل اللي اسمة الشيخ همام يعملها عمل عشان تبطل بخل شوية
لقيت هيام مرات اخويا بتضحك وقالت
هيام 
يوو كتك ايه ياسماح انتي عايزة تعملي عمل الولية يا شيخه احنا داخلين علي شهر 
كريم مينفعش اللي انتي بتقولي ده
الام
ههههه لا وبتقولك عشان تبطل بخل انتي يابت عبيطة في دماغك
سماح
انتو عمالين تضحكو عليا امال اعمل ايه ياما ماهي منشفاها علينا انا وامال وعلى ولادنا كمان
هيام
طيب بس مينفعش تعملي عمل اسمعي هو انتي عارفة منين انها معاها فلوس ومش عايزة تصرف
سماح
ماهو محمود جوزي ومحمد اخوه الاتنين بيبعتو مصاريفنا ليها هي وهي تاخد الفلوس وتنكزها ومجوعانا احنا وعيالنا
الام
طيب ماتعرفي جوزك ياختي
سماح
عرفتو ياما وقولتله قالي امي وتعمل اللي هي عايزاه هي حره
هيام
طيب اسمعي انا عندي حل كويس اوي ياسماح انتي عارفة اني بشتغل في عيادة دكتور انا هسالة عن دوا يخلي الوليه دي تنسي يجيلها زهايمر يعنى وكده المهم هي لما تنسي تقدري ساعتها تاخدي الفلوس اللي انتي عايزاها لأنها طبعا مش هتفتكر هي حطت الفلوس فين
سماح 
طيب يعني لما اعمل كده هي هتنسي بس لحسن يابت يجرا لها حاجة البس مصېبة وأرح في داهية ولا اقولك لا لا بلاش ياهيام بلاش
هيام 
خلاص انتي حره بقا واستحملي الجوع انتي وعيالك
سماح 
طيب بصي انا هفكر واشوف امال كده هتوافق ولا ايه وابقي ارد عليكي
هيام 
وهي يعني لازم امال تعرف انك هتعملي كده
سماح 
طبعا ماهي معايا في كل حاجه خلاص بكرة اكلمك وارد عليكي يلا انا هاقوم دلوقتي امشي عشان الواد زمانة رجع من الدرس
ومشيت من عند امي وحكيت لامال وقالت 
طيب انتي مالية ايدك من هيام مرات اخوكي دي ياسماح لحسن تديكي حاجة تاذي الوليه وتروح فيها
سماح 
لو سمحت يادكتور مش هو صحيح فيه علاج بيساعد على النسيان
الدكتور 
اه طبعا ياهيام في علاج بيساعد على النسيان ليه بتسالي
هيام 
طيب انا كنت عايزة اسمه ينوبك ثواب
الدكتور 
بس انا اعرف ان اللي

يطلب يطلب دوا يساعد على التركيز مش على النسيان انما اللي بيبقا عايز دوا للنسيان ده بيبقا عايزه لحد مچنون لحد عنده اضطراب نفسي كده يعني انتي بقا عايزاه لمين وعشان ايه
هيام بارتباك 
انا عايزاه لمين ااه اصل يادكتور واحدة جارتنا ست كبيرة مسكينة خالص ابنها راح وهي من وقتها وعقلها راح وبتجري في الشارع تنادي عليه 
هيام 
يعني تقريبا 65 سنة بس هو ينفع نحطه في الأكل او العصير عشان مش عايزينها تعرف انها هتاخد دوا عشان مش هترضي تاخده
الدكتور 
طيب ياهيام هتاخد منه قرص في العصير بعد الفطار طبعا رمضان بكرة ولو هي هتصوم يعني تمام بس خلي بالك هو قرص واحد بس كل يومين عشان لو الجرعة زادت عن كده عقلها ممكن يروح منها ومتفتكرش حاجة
وجاتلي هيام وقالتلي 
خودي ياسماح البرشام اهو هتحطي قرص منه في العصير وتشربيها منه كل يوم بعد الفطار ماشي
سماح 
والله يا بت يا هيام انا مش عارفه اشكرك 
ازاي علي اللي عملتي ده
هيام 
مش ببلاش يا حبيبتي اه المفروض 
ينوبني من الحب جانب مش انتي تخدي 
فلوس وانا افضل عايشه في الفقر 
طول عمري
سماح 
عيب عليكي الله انا عينا ليكي بس يحصل اللي انا 
عايزه اقعدي بقي اتسحري معانا
هيام 
لا مش هينفع لازم اروح بسرعه قبل ما امك 
تتصل وتزعق ليا ان اتاخرت 
ومشيت وبعدها روحت ل امال
امال 
ايه الاخبار ياسماح هيام جبتلك الحاجة
سماح 
اه يا امال ربنا يستر بقا
وتاني يوم أول يوم رمضان حماتي الصبح قالت 
انا عايزة اكل النهارده حلو كده يا امال انتي وسماح عايزاكم تشرفوني اختي جايه هي وعيالها
امال 
حاضر ياماما هنعمل كل حاجة انتي عايزاها
وجه وقت الفطار والكل اكل وبعد الاكل حطيت لحماتي القرص في العصير ولقيت مازن ابني دخل يقولي 
ماما انا كنت عايز......... ايه ده هو انتي حطيتي ايه في العصير ياماما
سماح ارتبكت 
ده ده سكر دايت عشان انا بعمل رجيم وكده انت كنت داخلي وعايز ايه
مازن 
اصلي كنت عايز اروح الجامع عشان اصلي التراويح مع