عشق السلطان

=أظن سمعتوا سيف لما قال بكرا نتقابل في القسم... صحيح لو الايصال دا مزور انا هحبسكم 
و أنتم في اسكندرية اسألوا عن سلطان البدري.... برا....
صلاح:برا ايه... انتي اتجوزتي من ورانا يا بنت ال***علشان كدا هربتي صحيح ما انتي زي أمك 
سلطان بحدة:قلتلك برا.... و المرة دي هعديها لحد بكرا قسماً بالله لو كان الايصال مزور لاحبسكم أنتم الاتنين و فكروا كويس قبل ما تلعبوا بالنار. 

جابر كان ساكت و هو بيبص لسلطان قبل ما صلاح يتكلم او ېزعق كان مسكه و اخده برا الاوضة يفكروا في اللي حصل... 
سلطان كان بيبص لغنوة اللي منتظرة منه يبرر اي حاجة من اللي قالها و يقول إن دي مسرحية مش فاهمة ازاي اصلا الظابط اقتنع ان العقد دا مش مزور... 
سلطان قعد ادامها و حط رجل على رجل بثبات و هدوء مخيف.... 
في بيت البدري

نعيمة كانت قاعدة جنب احمد و هي مصdومة من اللي سمعته و سارة اخت سلطان قاعدة  مش مصدقه ان اخوها الكبير يتجوز من وراهم
هو حتى مش مجبر يعمل كدا و لو كان قال انه عايز يتجوز دي كان اتجوزها لكن ليه من وراهم
نعيمة بحدة:يلهوي يلهوي 
كلم لي سلطان يا أحمد... كلمه خلينا نفهم كلام الظابط دا صح و لا كذب 

احمد كان قاعد ساكت و هو كمان مش فاهم حاجة
نعيمة بصوت عالي:
=بقولك رن علي سلطان يا أحمد بدل و ربي و ما اعبد هروح له مكان ما يكون و هعمل فضeحة 
بقا ابني أنا على اخر الزمن يتجوز في السر... عُرفي.... ليه؟ 
لا و يوم ما بختار يتجوز واحدة لا ليها لا اصل و لا فصل
واحدة بتقف في الشارع لنص الليل.... لا دا اكيد كدي مش سلطان البدري اللي يعمل كدا 
طب و مريم لما تعرف و ابوها.... يلهوي يا سلطان يلهوي و كمان من شهر 
ناقص يدخل عليا و يقولي أنها حامل 
دا ليلة ابوه مش فايته..... 
سارة :اهدي يا ماما اكيد سلطان ميعملش كدا هو بس ممكن يكون في حاجة غلط و بعدين سلطان مش هيروح على اخر الزمن يتجوز بياعة رز بلبن. 
نعيمة بحدة:اتصلي على فريد و قوليله يجي على هنا و كلمي سلطان خلينا نشوف المصeبة دي