روايه للكاتبه يارا رشدي
..
_ انت هتفضل زعلان كده كتير
_ وازعل ليه ! اتكلمي مع سليم واتسهوكي معاه براحتك
قالها بجمود لتقول نيره
يعني واحد جاي يكلمني اقوله ايه ! سليم تعبان
يا اختي اسم الله عليه مالو بسلامته عنده ايه
قالها بجديه ممزوجه بالسخريه الواضحه لتهتف هي
بلاس تريقه وبرود سليم تعبان بسببي حاسس بذنب من ناحيتي خاېف كل الي عمله فيا يتردله في بناته .. واصلا هو قالهالي من الاخر امبارح ان مشاعره ڠصب عنه اتغيرت لما كبر وراحت لاشرقت يعني هو مش بيحبني ولا حاجه علشان تغير منه ..
_ الكلام جاب بعضه وخلاص يا حسام متكبرش الموضوع مش هكلمه تاني
_ شوفي نفسك عملتي ايه لما زعلت علي ريم علشان طلعت مبتخلفش واطلقت
_ ايوه تزعل عليها ليه وتتاثر ومسكينه ده انت كان ناقص شويه وتقوم تروحلها
_ زعلت عليها لاننا متربين سوا وعارف قد ايه هي بتحب الاطفال ولان المړض مفهوش شماته انتي كان ممكن جدا تطلعي زيها مش بتخلفي
_ مهما كان هي بردو اختك
مهما كان ايه ! اختي يا شيخ ده انا زمان كنت ببعتلها هي واخوها اد علي الفيس مفكروش يقبلوا حتي ولا يلغوا سابو متعلق كده متقوليش بلاش تشتمتي لا انا شمتانه فيها وشمتانه في بابا وانا شايفه مكسور كده وقلبه واجعه علي بنته
_ هو انتي مش عايزه تسامحي ابدا
تنهد حسام وهو يقول
الي يريحك يا نيره
ثم تابع بتحذير
بس بردو متتكلميش مع سليم تاني يا ستي انا بغير عليكي منه قدري مشاعري
_ حاضر يا حسام مش هكلمه تاني
_ اما نشوف
اسندت راسها علي كتفه وهي تقول
هقولهالك للمره المليون انا مفيش حد في قلبي غيرك ومش شايفه غيرك
تمت ...
