رواية انجاني حبها كاملة بقلم مي سيد
المحتويات
من كده بس ولو ولو المهم اني لسه معترفتش
طبيعي اخلي اعترافي ليه special اهو حاجه تطفي ۏجع 3 سنين
عدت الايام وانا عماله اظبط ف المفاجأه ال هعملهاله قبل م اعرف اني هتصدم صدممه تجيبني الارض
الخۏف ايوه بيضيع حجات حلوه بس بيحمي من القرب ف بيحمي من الحزن فبيحمي من الخزلان ال بېقتل الروح قبل القلب
لحظه دي بتضحك لحظه كمان بقا ده يوسف بيه بيضحكلها انا مفياش طاقه لحرقه الډم دي والله هي مش ناقصه
وبعدين لحظه مش دي البت ال قالوا انه يوسف بيحبها صح هي والله العظيم هي ده انا اعرفها من وسط الف دي كانت حرقالي دمي كل م اروح الجامعه او احضر محاضره ليوسف
وده كان الصوت الشرير ال ف دماغي قبل م استجيبله واتحرك عشان أروح اټخانق واجيب شعرها ف ايدي لقيته جاي عليا وهو مازال مبتسم
وقفت مكاني وانا بحاول اهدي الدخان ال خارج من وداني
جه عليا وهو مبتسم مسك ايدي وهو بيتكلم بحنيه كعادته
_ اي ي حبيبي خلصتي أمتي!
_ بت مين ي بابا
متستعبطش ي يوسف البت كانت لسه بتهيء وتميء معاك حالا
ضحك بصوت عالي عشان تبان غمازته ويرجع شعره لورا فيخطف قلبي وبالتالي ڠضبي هو كمان يتراجع ورا
مسك خدي من فوق النقاب وهو بيهز وشي
_ انتي بتغيري ي كميله
شديت وشي منه وانا برد بعصبيه بدون م اعلي صوتي
حاول يتحكم ف ضحكته وهو بيمسك ايدي وبيرد
_ طب اهدي بس وهقولك
سكت بدون م ارد وانا بغير اتجاه وشي الناحيه التانيه
ابتسم وهو بيحاوط كتفي وبيحركني عشان نمشي
مفيش حاجه والله ي حبيبي كانت بتسال ع درجتها ف الامتحان بس
وقفت وانا ببصله بغيظ
_ وانت كل امتحان بتقولها ع درجتها بتركز مع درجاتها ف الورق ماشاء الله
مريم ي حبيبي انا والله معرفش اسمها اصلا
رديت بعصبيه محركاها غيرتي وانا برافع ايدي وبشاورله
_ اخر مره ي يوسف اخر مره تكلم بنت أصلا
مريم انا مكانتش باصصلها اصلا والله
_ عارفه بس برضه متكلمش اي بنت
اممم ده انتي بتغيري اوي بقا
_ ومين تبقى مراتك ومتغيرش عليك ي رفيق الروح
رد بهمس خاڤت وهو بيشد ع ايده ال ع كتفي
ي قلب رفيق الروح من جوا
روحنا البيت وكذلك عدت الايام بينا حلوه الامتحانات بتعدي بس هو جمبي مش بيسيبني قبل الامتحان ولا بعده ده انا لو بايدي ميروحش الشغل وخصوصا الشركه ال بقت خطڤاه مني الفتره دي خاصه انه بيحاول يظبط الشغل فيها عشان الاجازه ال هياخدها عشان السفر السفر ال كل م افتكره قلبي يتقبض بس يرجع يهدي ويطمن تاني عشان يوسف هنا جمبي ومعايا
وف ليله كالعاده واحنا قاعدين بعد م جه من الشركه واخد دش وبعد م اتعشينا بعد م حضرتله العشا والمفروض انه بيذاكرلي بس بما انه الماده دي مش بتنضاف ففاكس يعني مذاكرتش حاجه
قعدنا شويه ف البلكونه نشرب القهوه بما ان ده دوره هو سأل هو واخدني ف حضنه كعاده مبقاش يستغني عنها وعاده بستني انها تحصل
_ بقولك ي مريوم
نعم
نفسك ف اي
_ يعني اعتقد انه ال كان نفسي فيه حصل وانت
نفسي نجيب عيال كتير جدا يكونوا كلهم شبهك واحيكلهم كل يوم عن حبي ليكي
شوف خطڤ القلوب ي جدع ينهار ابيض عليا
اتكلم تاني بعد م بصلي
بقولك صحيح
رديت وانا بحاول احارب الخجل ال احتلني بعد كلامه
_ احم.. نعم
عمك كلمني
رديت باستغراب _ عمي مين وكلمك امتي وليه اصلا
عمك منصور كلمني النهارده وانتي ف امتحانك كان عايز يشوفنا هنسافر امتي
_ اممممم هو ينفع منسافرش ي يوسف
رد بجديه وهو بيبعد عني لحظه پحده قبل م يرجع ياخدني ف حضنه تاني
مفيش حاجه اسمها منسافرش انا قولتلهم اننا هنسافر مينفعش اقولهم دلوقتي لا رجعت ف كلامي ده غير انه حقك لازم يجي من اي حد اتكلم عليكي ولو نص كلمه
_ بس انا خاېفه اروح هناك
مريم انتي اخر مره كنتي هناك كان امتي
_ احنا مروحناش الصعيد تاني من بعد م سافرنا
طب وانتو سافرتوا وانتي عندك كام سنه
_ احم يعني 14 سنه كده
طب وسافرتوا لي
رديت بتوتر وانا بحاول ابعد عنه خوفا من انه يعرف
متابعة القراءة
