حكايات زمان العفيفه المظلومه
المحتويات
ركنية وهو في ركنية تانية في وسط البير.
خوتها بالصدفة هديك الليلة ماكملوش حرثهم وبيباتوا في الارض مشوا قالوا للحراث متاعهم مادامك تحوس تمشي تشوف مرتكوصغارك وترجع دهمي علي وخيتنا جيبلنا منها ماناكلوا وقلها احنا الليلة نباتوا ومشا الحراث لين وصل لبيت شعر البنية ووقف بعيد وقعد ينادي عالبنت سمعاتو البنية ردت عليه من قعر البير راني هني في البير جاها يجري وجاب حبل ومدهولها خيرك كيف طحتي وهيا ربطت الحبل في وسطها وطلعها اول ماطلعت قلها شن اللي طيحك في البير حكتلو اللي صار معاها وقتلو ياوخيي استرني ربي يستر علي ولاياك ماتقولش لحد يشهد عليا ربي ان هذا اللي صار لكن الناس مش حيصدقوني وحيزيدو عليا الكلام والبنت ماليها الا سمعتها. الحراث فقير وبسيط قلها ربي يستر عليك دنيا وآخرة ونزل الحبل تاني وطلع البايع المتجول اللي طاح معاها في البير ولما طلع من البير حكالو نفس القصة وقالو اني عاهدتها في البير بيني وبين ربي هيا كيما وخيتي وخدي خبزتو والماء ومشا لصحابو اللي يستنوا فيه الحراث كأنه تردد شوية مشي البنت قالتلو دين في رقبتي مع نهاية الموسم الأجر اللي يعطولك فيه خوتي اني نعطيك كيفو مرتين غير استر عليا الحراث يعرف البنت وعفتها وصدقها و قلها باهي سرك في بير ومشي لمرتو وولادو شافهم واطمن عليهم وماجابش سيرة لمرتو ابدا علي الي صار في البير.
خذا الحراث دريهماتو وروح لحويشو فرحان لاقاته مرته وشافت الفليسات اللي عنده استغربت !!! قټله شني امالة المرة هادي اعطوك فلوس بالزايد واكثر من اجرتك متاع كل عام شنو هالعام نزلت عليهم الطيبة والكرم شن خطړ عليهم
مرتو وحدة شومة قتلو كل عام تخدم معاهم وتحرثلهم اش معنى العام هذا اعطاوك بالزايد شورك خديت محصول من وراهم وبعته لروحك وماقلتلهمش عليه فكنا ياراجل من رزق الحړام!!
عاركها وقلها اسكتي يامراء ومشا لفريشو دار روحه يرقد باش ماتجبدش لسانه في الكلام!!جاتو تجري وقتلو ضركا تقولي الحق ولا غدوة نمشي نباركلهم عالموسم ونتأكد من كلامك .
قتلو ضركا تقولي وش فيه قالها يامراء فكيني اني وعدت
مانقولش لحد. قتلو دبراسك تقولي اني الشك ركبني ياتقولي يا نلم حوايجي ونمشي لحوش اماليا... ياويلي على النسا هههه
قلها لا حول ولا قوة الا بالله مرتي وعارفك ماتنبلش في فمك الفولة وكان قټلك تكبريها وديريهاقصة وتظلمي بنت الناس وربي مايحبش الظلم لعبيده وامرنا بالستر!! سمعت هالكلمتين وزادت شعلت فيها الڼار وقعدت تنوح وتبكي وقتلو مخلف تقولي من هيا بنت الناس وشن درت معاها الراجل كان بمصېبة وحدة ولا بمصيبتين !! ولقاها معاش فيها لازم يقوللها كان هذا تفضح بيه هو قدام الناس. قلهايامراء بداية الموسم تاع الحرث مشيت لحوش فلانة بعتوني خوتها نجيبلهم ماياكلوا لقيتها طايحة في البير ومعاها راجل جات تطلعو من البير طاحت معاه طلعتهم من اليير وانتي الناس وتعرفيهم كان يسمعوا بالقصة تبدأ سيرتها علي كل لسان سترت عليها واعطتنيفلوس بزيادة...
تاني يوم هذيك المرية متعودة هيا وجاراتها مع العصر يقعمزوا تحت شجيرة
متابعة القراءة
